Posledni serbski farar w Smělnej Jan Awgust Sykora, rodźeny 1835 w Malešecach, je na wuměnku w němskej rěči swoje žiwjenske dopomnjenki spisał. W nich wopisuje mjez druhim lěta dźěćatstwa w Malešecach. Jeho nadrobne a žiwe rysowanje je w knize prěni raz wozjewjene. Dwurěčne wudaće wobsahuje tež přełožk Oty Wićaza do serbšćiny z 1930tych lět a přinoškaj wudawaćelki Trudle Malinkoweje k Sykorowemu žiwjenju a skutkowanju kaž tež k slědam serbskich wjesnych stawiznow w dźensnišich Malešecach. Kniha je wušła składnostnje 800. jubileja Malešec.